Segunda vitoria consecutiva do Leis tras batir (6-3) ao Xove FS
Este domingo 17 o Leis Pontevedra San Narciso de Fútbol Sala acadou a segunda vitoria consecutiva do ano ante a S.D. Xove FS, en dous partidos decididos en boa parte no primeiro tempo. Os de Manu Cossío comezaron o xogo concentrados e metidos no partido, e iso reflictiu no marcador que antes dos dez minutos de contenda xa favorecía ao Leis por tres goles a cero.
Todo parecía feito, pero unhas decisións arbitrais algo rigorosas propiciaron dous penaltis e dúas expulsións. Un dos afectados foi Nico, que tivo que retirarse no minuto 14 tras entender os árbitros que despexara voluntariamente un balón co antebrazo, baixo palos. A segunda das xogadas polémicas protagonizouna Álex no 17, que nun contraataque da S.D. Xove fixo falta sobre un rival e os árbitros decidiron expulsalo.
Tras algún momento de tensión os de Cossío querían chegar ao descanso e comezar a segunda parte, que se desenvolveu de forma parecida á primeira.
O conxunto das Rías Baixas arrancou o segundo tempo de forma contundente, poñendo terra de por medio. Berto, Mauro e Jorge sentenciaron un duelo con claro signo local desde o inicio do xogo.
O equipo visitante tan só puido maquillar o marcador con dous tantos de Rubén no último minuto, aproveitando a superioridade do porteiro xogador.