A Ruta BTT Cidade de Pontevedra prepara a que será a súa quinta edición
Por Redacción
O Club Ciclista Fartó dará continuidade á Ruta BTT Cidade de Pontevedra, que este ano chega á súa quinta edición.
A organización traballa nos preparativos da proba popular, fixada para o vindeiro domingo 18 de marzo.
Un ano máis a saída e chegada estará situada na céntrica Avenida Montero Ríos, desde onde se iniciará un percorrido de 40 quilómetros e dificultade media a partir das 9:30 horas da mañá.
As inscricións, que terán un custo de 10 euros, poderán formalizarse na tenda Biciclietas Farto, na Avenida de Vigo, ou a través da web www.cronocheck.com.
En canto á recollida de dorsais, realizarase o día antes da ruta de 10:30 a 14:00 horas e de 17:00 a 20:00 horas na tenda de Farto ou o mesmo día da proba nas inmediacións da saída desde as 8:30 horas.