O Arxil queda en terra de ninguén tras perder ante o Ensino (57-64)
Por Redacción
Segunda derrota consecutiva do Club Baloncesto Arxil, que se descolga da zona alta da Liga Feminina 2.
O equipo pontevedrés viuse superado no Centro Galego de Tecnificación Deportiva de Pontevedra ante un Ensino de Lugo máis consistente ao longo de todo o encontro.
Non empezaron mal as verdes, a pesar de ir a remolque nos primeiros 10 minutos (13-17), pero pagaron caro o seu mal segundo cuarto a nivel ofensivo e víronse demasiado lonxe ao descanso (21-31).
Aínda que o Arxil mellorou no terceiro parcial e recortou a súa desvantaxe para meterse de novo no encontro (40-43), foi imposible para as de Mayte Méndez manter o nivel de acerto en ataque e as luguesas terminaron por sentenciar.
María Lago, con 20 puntos, 5 rebotes e 20 de valoración foi a mellor xogadora do encontro, pero de pouco valeulle ao Arxil que queda con esta derrota na sétima praza a tres triunfos da zona de play-off.
Relacionadas:
-
O Arxil tira pola borda no último cuarto o seu bo traballo anterior na pista de Aros León (62-55)
Por Redacción |
-
Joventut Les Corts criba a triplos a un Arxil sen recursos (62-75)
Por Ramiro Espiño |
-
O Arxil cambia o seu horario habitual de xogo para recibir o Joventut Les Corts
Por Redacción |
-
O líder Celta Zorka fai valer o seu bloque e móstrase intratable ante o Arxil (74-63)
Por Redacción |