O sol acompaña e Pontevedra goza co seu medio maratón
Por Diego Espiño & Diego Torrado
Mañá asollada, boa temperatura e centos de atletas polas rúas da cidade. O Medio Maratón de Pontevedra luciu como nunca este domingo na que é xa a súa XXII edición, convertido nun referente no calendario deportivo da Boa Vila.
Ao redor de 1.300 deportistas tomaron a saída ás 11:00 horas desde a ponte dos Tirantes para gozar dunha mañá de DEPORTE. Así, con maiúsculas.
O clima puxo o seu gran de area e a cita converteuse nunha auténtica festa do deporte popular.
Os atletas completaron os 21.097 metros de percorrido dando dúas voltas ao habitual circuíto da proba, homologado pola Real Federación Española de atletismo e que finalizaba no interior do Centro Galego de Tecnificación Deportiva.
O máis rápido en chegar á liña de meta foi Manuel Guerreiro, facéndose co triunfo cun tempo de 1 hora, 8 minutos e 30 segundos e superando nun emocionante final a Pablo Miguel García (1:08:33). O podio completouno Nicolás Arrojo (1:10:40) superando por un segundo a Akka Essaadaoui.
En categoría feminina a gañadora foi a gran favorita, Leticia Fernández, cunha marca de 1 hora, 21 minutos e 19 segundos, no seu caso con maior marxe sobre a segunda clasificada, Sonia Teijeiro (1:26:01). Terceira foi Saleta Aboy (1:26:35).
A proba supoñía ademais o peche do V Circuíto de Carreiras Populares de Pontevedra.
Consulta aquí as clasificacións completas do XXII Medio Maratón de Pontevedra.
Relacionadas:
-
RADIO.- Conversas na Ferrería: Compartindo experiencia do medio maratón de Pontevedra
Por Marisa Ciordia |
-
Preto de 1.500 persoas deixan a súa pegada no Medio Maratón de Pontevedra
Por Redacción & Diego Torrado |
-
Abre inscricións o XXIII Medio Maratón de Pontevedra
Por Redacción |
-
O Circuíto de Carreiras Populares 2017 premia aos seus campións
Por Redacción |
-
O Circuíto de Carreiras Populares de Pontevedra non terá sexta edición
Por Diego Espiño |
-
Restricións de tráfico e estacionamento pola celebración do Medio Maratón de Pontevedra
Por Redacción |
-
O que funciona non se cambia. Chega o XXII Medio Maratón de Pontevedra
Por Diego Espiño |
-
O Medio Maratón de Pontevedra supera o milleiro de inscritos e camiña cara a un novo éxito de participación
Por Redacción |
-
O XXII Medio Maratón de Pontevedra abre inscricións e aposta pola continuidade
Por Redacción |