Traducir en puntos as súas boas sensacións, obxectivo do Teucro ante o Puerto Sagunto
Por Diego Espiño
Despois de dúas xornadas nas que rozou a sorpresa ante equipos que xogan competición europea como Anaitasuna e Granollers, o Condes de Albarei Teucro quere volver sumar puntos na Liga Asobal coa visita do Puerto Sagunto ao Pavillón Municipal dos Deportes (sábado, 20:30 horas).
Será a segunda jornda consecutiva que os azuis xogarán ante o seu público, nesta ocasión ante un equipo que suma polo momento dous puntos tras un inicio irregular.
A pesar diso non se fían os teucristas e tampouco un Quique Domínguez que ten claro que "Puerto Sagunto tiene una señora plantilla, con jugadores muy experimentados", recoñeceu o técnico.
"Prefiero jugar un poquito peor y tener dos puntos más al terminar el partido", sinalou á súa vez o xogador Iván Fernández na rolda de prensa previa ao choque.
O Teucro recupera para a cita ao arxentino Andrés Moyano, tras dúas semanas fóra ao estar no seu país solucionando asuntos burocráticos, pero segue sen poder contar con Óscar Silva, que "no acaba de mejorar del hombro", explicou Quique Domínguez. Ademais entra na fase final da súa recuperación Johnny Medina, que en todo caso continúa de baixa.
Pola súa banda o adestrador visitante, Nikola Milos, contará coa ausencia de Alfredo Sorrentino, pero poderá contar coa recente fichaxe do club, o lateral francés Johan Boisedu.
Os colexiados do encontro serán Escoda Pérez e Sánchez Bordetas, da delegación territorial catalá.
Relacionadas:
-
Balázquez imponse no duelo de "cañoneiros" e o Teucro gústase ante Puerto Sagunto (36-28)
Por Ramiro Espiño & Diego Torrado |
-
A fortuna dá as costas a un gran Condes de Albarei Teucro fronte ao Granollers (26-27)
Por Ramiro Espiño & Diego Torrado |
-
Acariña a sorpresa o Condes de Albarei Teucro deixando unha gran imaxe en Pamplona (33-32)
Por Redacción |