O Leis estrea a tempada con empate ante o Ventorrillo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/67d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/59c8e7e91c-20170923-diegotorrado-leis-ventorrillo-04.jpg)
© Diego Torrado
![](/web/cache/scene/uploads/fotos/foto/e6b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/59c8e83d98-20170923-diegotorrado-leis-ventorrillo-08.jpg)
© Diego Torrado
Con empate estreou a tempada o Leis Pontevedra na Segunda División B masculina de fútbol sala.
Os pontevedreses puideron levar o triunfo, pero tiveron que conformarse cun punto nun choque vibrante ante o Ventorrillo (1-1), celebrado no Pavillón Municipal dos Deportes.
Os de Manu Cossío gozaron do algunha ocasión na primeira metade, pero a igualdade foi máxima e o marcador non se moveu ata o descanso.
No segundo acto un desaxuste defensivo dos locais provocou o 0-1 do Ventorrillo, pero pouco duraríalle a alegría porque Sergio facía o empate só 30 segundos despois.
O tramo final do encontro estivo marcada pola expulsión do gardameta visitante, xa que o seu equipo non contaba con substitución. Lanzouse desde entón o Leis ao ataque na busca do gol do triunfo, pero a fortuna foi esquiva e o marcador xa non se movería.
O EQUIPO FEMININO, NA ZONA ALTA DA TÁBOA
O que comezou ben a tempada é o equipo feminino do Leis, no seu obxectivo de recuperar a categoría perdida. As pontevedresas superaron ao 5 Coruña (4-1) no seu segundo partido da tempada e colócanse no liderado da Primeira Autonómica con 6 puntos.