Aprendendo a navegar no medio do Casino Mercantil
Por Redacción
Monitores e alumnos do Real Club de Mar de Aguete protagonizaron este mércores unha xornada de iniciación á vela deportiva nun lugar pouco habitual, a piscina olímpica do parque polideportivo do Casino Mercantil, en Mourente.
Durante tres horas, os asistentes á xornada recibiron nocións técnicas sobre o manexo de pequenas embarcacións de vela.
Os mozos deportistas puxeron en práctica o aprendido acompañados dun monitor da escola de vela.
Ademais un membro dos equipos de competición do Náutico de Aguete realizou unha demostración de como actuar en caso de sufrir un envorco ou outra situación de perigo.