Dura derrota para o Marcón e estrea ao grande de Campo Lameiro e Beluso
Por Redacción
Inicio dispar para os equipos da comarca no Grupo Sur de Preferente, que viviu esta fin de semana a súa primeira xornada de liga.
Volvía á categoría o Marcón Atlético e fíxoo cunha clara derrota no campo do Moaña (3-0), aínda que o resultado non fai xustiza ao visto sobre o terreo de xogo.
A diferenza de pegada resultou determinante nun choque no que os pontevedreses contaron con opcións claras pero sen acertar ante a porta rival. Sen embargo o Moaña acertou no seu primeiro achegamento, nun saque de esquina rematado a gol por Molinos aos 4 minutos.
Buscaron os de Borja Burgos a igualada, pero erraron e xa na segunda metade os locais terminaron sentenciando con tantos de Gonzalo e Saúl.
Consulta aquí a acta do Moaña-Marcón Atlético.
Mellor foi a estrea en Preferente para o Campo Lameiro, que debutou pola porta grande vencendo a domicilio ao Gondomar (0-3).
Triunfo incontestable que se empezou a fraguar na primeira metade cando Martín adiantou aos verdes aos 26 minutos. Non foi fácil reter a vantaxe, e o Campo Lameiro tivo que empregarse a fondo ata as minutos finais, cando un gol en propia meta do Gondomar e outro de Jorge sentenciaron o choque.
Consulta a acta do Gondomar-Campo Lameiro.
Tamén debutou con acerto o Beluso, golenado fóra da casa ante o Erizana (0-3) nun partido que se puxo moi pronto favorable, cun gol de Fajardo aos 3 minutos.
O encontro non se decidiu ata entrada a segunda metade, cando Ricardo Pazos fixo o segundo, sentenciando xa no último minuto Daniel Pérez.
Consulta a acta do Erizana-Beluso.
Comezou con bo pé o Xuventú Sanxenxo, vencendo en Baltar de Arriba ao Porriño Industrial (1-0) nun duro duelo.
Un gol de Javi Nogueira aos 26 minutos resultou decisivo, acompañado do bo traballo defensivo que fixo valer o tanto para quedar cos tres primeiros puntos da tempada.
Consulta a acta do Xuventú Sanxenxo-Porriño Industrial.
O que non puido iniciar ben a liga foi o Unión Grove na súa visita ao campo do Nogueira de Ramuín (1-0).
Os locais adiantáronse á media hora de xogo e o marcador, a pesar dos esforzos do cadro meco, xa non se movería ata o final do partido.