Juan Carlos I renuncia a participar na Regata das Illas Atlánticas polos atentados de Cataluña
Por Redacción
Creada e actualizada
Creada e actualizada
A competición da clase 6M de vela Regata das Illas Atlánticas que se ía a disputar durante a fin de semana na localidade grovense de San Vicente do Mar foi suspendida por mor dos atentados das últimas horas en Cataluña.
Así o comunicou o Real Club Náutico de Sanxenxo, organizador do circuíto nacional da clase 6M de vela.
Na competición tiña previsto participar o rei emérito, Juan Carlos I, que compite con regularidade nas regatas de barcos clásicos desta clase.
Tanto o monarca como os armadores da clase 6M tomaron a decisión de suspender a actividade deportiva prevista en sinal de duelo e quixeron expresar a súa "solidariedade e total apoio" ás vítimas e familiares afectados polos brutais atentados.
MANTENSE O RESTO DA PROGRAMACIÓN DEPORTIVA
Si se disputará o resto da programación deportiva prevista dentro da Regata das Illas Atlánticas para barcos clásicos e de época, baixo a organización do Club Náutico San Vicente do Mar.
A décima edición da regata iniciarase este sábado 19 de agosto ás 13:00 horas cunha etapa que sairá desde o porto de Pedras Negras para chegar ata a Illa de Ons, rodeala e volver ao inicio, cun total de 16 millas.
Relacionadas:
-
Pingüín Uno, Acali e A Meca vencen na Regata das Illas Atlánticas
Por Redacción |
-
Pontevedra exterioriza o seu rexeitamento aos atentados en Cataluña
Por Redacción |
-
O Rei Juan Carlos I, fin de semana en Sanxenxo para recibir a licenza de honra de vela
Por Redacción |
-
Volven as regatas a Sanxenxo e con elas o rei emérito
Por Redacción |