![](/web/cache/scene/uploads/fotos/foto/f6c/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5949425a01-unnamed.jpg)
© Club Baloncesto Estudiantes Pontevedra
O Club Baloncesto Estudiantes despide tempada cun torneo de minibasket
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Que mellor que despedir a tempada que organizando un torneo para os equipos de base.
É o que fixo a pasada fin de semana o Club Baloncesto Estudiantes Pontevedra coa primeira edición do seu torneo de minibasket e pre-minibasket, que puxo colofón a un ano de traballo e diversión nas diferentes categorías.
No evento tomaron parte ata 132 xogadores, ao participar clubs como o CAB Pontevedra, o Obradoiro santiagués ou o Salceda de Caselas.
Despois de cinco horas de baloncesto, e aínda que o resultado era case o de menos, proclamáronse campións o Obradoiro 'azul' en categoría alevín e o CAB masculino no premini ao gañar todos os partidos desputados.
En total xogáronse ata 19 encontros desafiando as altas temperaturas que se fixeron notar tamén no pavillón.