A por tres puntos que valen un play-off
Por Diego Espiño
Dúas oportunidades ten o Pontevedra Club de Fútbol para certificar a súa presenza no play-off de ascenso a Segunda División.
Depende de si mesmo, xa que lle vale con lograr un triunfo nas dúas últimas xornadas da liga regular, pero o equipo granate non quere demoralo máis do necesario.
Por iso a concentración é máxima nos de Luisito para vencer este sábado (20:00 horas) ao xa descendido Arandina no Estadio Municipal de Pasarón, o que lles permitiría celebralo cunha afección que esperan se mobilice para a cita.
Chega o Pontevedra despois de cinco xornadas sen gañar pero convencido de deixar atrás o seu mal momento de resultados na fase decisiva do campionato, e co aviso do sucedido nas Somozas, cando se viu sorprendido por un conxunto que matematicamente xa era de Terceira División.
Será ademais un encontro ante o peor visitante da competición, xa que os burgaleses só sumaron 10 puntos a domicilio en toda a tempada (1 vitoria, 7 empates e 10 derrotas), aínda que a ausencia de presión para eles pode supoñer unha arma de dobre fío.
Luisito contará cunha única baixa para o encontro, a do lesionado Mario Barco, xa que Portela está en condicións de reaparecer se o técnico granate o considera oportuno, do mesmo xeito que Álex González tras cumprir un partido de sanción. Desta forma serán 20 os futbolistas dispoñibles, polo que se realizarán dous descartes para completar a convocatoria unha vez o equipo chegue a Pasarón.
O colexiado do encontro será o catalán Víctor García Verdura.
Relacionadas:
-
Billete para o play off. O Pontevedra permítese soñar ao impoñerse a unha "motivada" Arandina (2-1)
Por Ramiro Espiño & Diego Torrado |
-
O Pontevedra, "contento" tras renovar o acordo de patrocinio coa Deputación
Por Diego Espiño |
-
Iker Alegre apúntase á fase decisiva da liga
Por Diego Espiño |
-
Pasarón tamén xoga ante a Arandina
Por Redacción |
-
Perdoa o Boiro e o Pontevedra arrinca un punto de ouro (1-1) que lle achega ao obxectivo
Por Ramiro Espiño & Cristina Saiz |