O Teucro viaxa a Nava de la Asunción coa lección ben aprendida: "A estas alturas no hay partido fácil"
Por Diego Espiño
O partido que hai menos de dúas semanas xogou o Teucro na cancha do pechacancelas Tolosa serviu para reforzar a mensaxe de Quique Domínguez, que defende a dificultade que supón puntuar fóra de casa na División de Honra Prata.
Así o asume tamén o lateral Dani Hernández, para quen "a estas alturas ya no hay partido fácil porque todo el mundo está metido en alguna pelea".
Ambos compareceron ante os medios de comunicación antes do desprazamento do equipo azul a Nava de la Asunción, Segovia, onde este sábado (18:30 horas) renderán visita o Club Balonmano Nava, décimo terceiro clasificado con 15 puntos.
"Tendremos seguramente que hacer mejor las cosas que en las últimas salidas", avisa Domínguez, para quen os segovianos son un "buen equipo".
O Teucro quere manter a súa boa serie de resultados e, se é posible, aproveitar para ampliar a súa renda á fronte da clasificación ante os complicados compromisos que deben afrontar Palma del Río e Zamora, os seus inmediatos perseguidores.
José Rial, que "se va incorporando poco a poco" ao traballo de grupo e encara a fase final de recuperación da súa lesión, será a única baixa dos azuis para a cita.
Os árbitros do encontro serán os irmáns Gallardo Cabello, da demarcación territorial andaluza.
Relacionadas:
-
Non afrouxa o Teucro, que vence ao Nava (28-29) e é aínda máis líder
Por Redacción |
-
Abonado ao sufrimento, o Teucro segue ao seu vencendo con apuros ao Torrelavega (27-25)
Por Ramiro Espiño & Diego Torrado |
-
Xornada redonda para o Teucro que gaña con apuros ao pechacancelas Tolosa (26-29)
Por Redacción |