Os peñistas de Fondo Norte, todos a un tempo
Por Diego Espiño
As peñas do Pontevedra están cansadas de ver que a asistencia de afeccionados a Pasarón "está a caer en picado". Por ese motivo, co obxectivo de incentivar a asistencia ao estadio e promover o seguimento ao equipo granate creouse Norte 1941.
Esta agrupación nace da unión de esforzos das peñas que habitualmente se sitúan no Fondo Norte de Pasarón, que non perden a súa identidade individual pero decidiron traballar todos a un tempo.
"Queremos un Fondo Norte que ruxa cada xornada coma nos grandes días de fases de ascenso, e queremos que as peñas do Pontevedra sigan crecendo", sinalou na presentación oficial de Norte 1941 un dos seus portavoces, Álex Corredoira.
Os peñistas deixan atrás as antigas asociacións e federacións pensando unicamente en "dar pulos ao Pontevedra, tanto en Pasarón coma noutros campos, e que o equipo non se vexa so", explicaron.
A pesar de crer que "a nivel social por parte da entidade granate podíase facer moito máis", recoñeceu Corredoira, xa mantiveron un par de reunións co club e aseguran que a relación está "en proceso de mellora".
De momento na súa escasa andaina a súa primeira iniciativa, a festa granate previa ao Pontevedra-Racing, resultou un éxito, polo que xa pensan en repetir experiencia e probar con novas ideas. Todo para financiar actividades de animación, custear o material e poder afrontar viaxes para acompañar ao equipo.
Relacionadas:
-
Unha 'sesión vermú' amenizará a previa do partido entre Pontevedra e Valladolid B
Por Redacción |
-
Grave crise institucional no Palencia, próximo rival do Pontevedra en liga
Por Diego Espiño |
-
O Pontevedra descarta facer máis fichaxes tras a chegada de Eneko Eizmendi
Por Diego Espiño & Mónica Patxot |
-
O Pontevedra freta un autobús para que os seus afeccionados arroupen o equipo en Palencia
Por Redacción |
-
Suspenden a viaxe a Palencia organizada por afeccionados que estaba patrocinado polo grupo opositor ao Consello
Por Redacción | Creada e actualizada
-
Un gol de fortuna decide a favor dos cántabros un extraordinario partido de Pontevedra e Real Racing (0-1)
Por Ramiro Espiño & Diego Torrado |
-
Os afeccionados do Pontevedra C.F. e do Racing únense nun xantar de confraternidade
Por Diego Torrado |