Movementos no Peixe Galego, que dá a baixa a Cabanas e reforza a súa liña exterior
Por Redacción
O Peixe Galego xa ten ao sustito de Alec Kobre, que abandonou en decembro a entidade marinense deixando minguada a liña exterior do equipo.
O club peixe confirmou este luns a contratación de Jorge Romero, base canario de ampla traxectoria na liga LEB Ouro tras pasar por equipos como o Tarragona, Club Baloncesto Peñas de Huesca ou Palma Air Europa.
O útlimo equipo de Romero foi o Breogán de Lugo, ao que chegou no verán e no que non contou con demasiado protagonismo, promediando 3,7 puntos nos 7 partidos que disputou.
Non é o único movemento no equipo marinense, que ademais chegou a un acordo con Mario Cabanas para rescindir o contrato que os unía.
A saída do pívot coruñés, que non chegou a mostrar todo o seu potencial en Marín, deixa agora un oco na rotación interior que podería ser cuberto nos próximos días por outro xogador.
Relacionadas:
-
"Motivos persoais" provocan a saída de José Simeón do Peixe Galego
Por Diego Espiño |
-
Triunfo vital do Peixe Galego sobre o Huesca (73-71) cunha tripla de Andrés Miso sobre a bucina
Por Redacción |
-
Moito máis que un partido para o Peixe Galego
Por Redacción |
-
Partidazo do Peixe Galego para vencer ao Leyma Coruña e volver engancharse á LEB Ouro (73-67)
Por Redacción |
-
As baixas castigan ao Peixe Galego en Melilla (91-63)
Por Redacción |
-
O Peixe Galego, obrigado a acudir ao mercado tras a saída do estadounidense Alec Kobre
Por Redacción |