Bea Gómez e Águeda Cons encabezan o equipo do Galaico no Campionato de España de Inverno
Por Redacción
Primeira gran competición nacional da tempada para o Club Natación Galaico, que estará presente durante a fin de semana no Campionato de España de Inverno que se celebra na localidade catalá de Sabadell.
O club pontevedrés despraza seis deportistas á cita, que se celebrará desde este venres 16 ata o domingo 18 en piscina de 25 metros.
Encabezan a expedición do Galaico Beatriz Gómez Cortés e Águeda Cons, cuxa esperanza é pelexar polos primeiros postos nalgunhas das probas que se inscribiron.
En canto a Bea Gómez, a pesar dos problemas físicos que seguen limitando a súa preparación, participará en cinco probas (200 libre, 400 libre, 800 libre, 400 estilos e 400 braza).
Pola súa banda Águeda Cons, que xa brillou no Nacional de Verán cun cuarto posto absoluto nos 400 libre a pesar de ser deportista junior, competirá en catro probas (200, 400, 800 e 1.500 libre).
Completan o equipo do Galaico: Paula Goyanes (200 libre, 400 libre, 800 libre, 1.500 libre e 400 estilos), Lara Gómez Cortés (400 libre, 800 libre, 1.500 libre e 200 bolboreta), Clara Otero (50 libre, 100 libre, 200 libre, 50 costas, 200 costas e 200 estilos) e Daniel Sánchez (50 costas, 100 costas, 200 costas e 1.500 libre).
Relacionadas:
-
Segunda medalla para Águeda Cons no Nacional de Piscina Curta cunha prata nos 800 libre
Por Diego Espiño |
-
Bea Gómez, subcampioa de España de 400 estilos na segunda xornada do Nacional de Inverno
Por Diego Espiño |
-
Águeda Cons deslumbra en Sabadell con su primer oro en el Nacional de piscina corta
Por Diego Espiño | Creada e actualizada
-
O Galaico triunfa en casa e proclámase campión galego de natación de longa distancia
Por Redacción & Diego Torrado |
-
O Natación Galaico, un club en plena forma
Por Redacción |
-
Águeda Cons, obxectivo Tokyo 2020
Por Diego Espiño |