Samuel González e Isabel Castro, vencedores en Campañó nunha gran xornada de ciclocrós
Por Diego Espiño & Mónica Patxot
Exitosa estrea do Trofeo Cidade de Pontevedra de Ciclocrós, celebrada este xoves na contorna do hipódromo de Campañó.
O circuíto deseñado para a ocasión pola organización, a cargo do Club Deportivo Pinarium co apoio do servizo municipal de deportes, pasou con nota a proba.
Preto de 250 ciclistas déronse cita en Campañó para gozar dunha carreira puntuable para a Copa Galicia da especialidade.
Samuel González (Salvaterra de Miño) foi o vencedor na probaaa elite masculina, a pesar de ser aínda deportista en idade sub-23, ao chegar á meta con 14 segundos de vantaxe sobre Raúl Fernández (Fornelos de Montes) e 31 segundos sobre Adrián Valverde (Rías Baixas), segundo e terceiro respectivamente.
En categoría feminina a gañadora foi Isabel Castro (Fornelos de Montes), con 10 segundos de renda sobre Desireé Duarte (Fornelos de Montes) e 1:49 sobre María Jesús Barros (Spol).
Pola súa banda en idade junior os vencedores foron Gullermo García (CC Vigués) e Jéssica Silva (Vila do Conde), e na cadete Mario Fernández (O Rosal) e Ana Mafalda Sa (Vila do Conde).
Consulta aquí as clasificacións completas do I Trofeo Cidade de Pontevedra, incluídas as das categorías master.
Relacionadas:
-
Guillermo García e Irene Trabazo, opcións marinenses no Campionato de España de Ciclocrós
Por Redacción |
-
Aprendizaxe e sufrimento a partes iguais para Irene Trabazo no berce mundial do ciclocrós
Por Redacción |
-
Pontevedra recupera o seu idilio co ciclocrós
Por Diego Espiño |
-
Isabel Castro arrebata o triunfo a Irene Trabazo na Copa Galicia de Ciclocross de Marín
Por Redacción & Diego Torrado |
-
Marín e Pontevedra, paradas da Copa Galicia de Ciclocrós que se estrea en Narón
Por Redacción |