O Club de Tenis, campión galego por noveno ano consecutivo en maiores de 35 anos
Por Redacción
Nove anos de triunfos consecutivos. É o espectacular rexistro que logrou o equipo do Club de Tenis Pontevedra, tras proclamarse unha vez máis campión galego na categoría de maiores de 35 anos.
Este grupo conseguiu facer da vitoria case un costume. Nesta ocasión, os derrotados foron os integrantes do Club de Campo de Ferrol, que se viron superados por un claro 5-0 tras a disputa dos partidos individuais, facendo innecesario o trámite dos dobres.
Marco Casal, Jaime Barba, Chipi Agrelo, Ricardo Domínguez, Borja Alvear, Cufa Branco, Carlos Domínguez, José Luis González, Fernando Peraza e José Manuel Muñoz son os nomes dos compoñentes deste equipo do Club de Tenis Pontevedra.