Dolorosa derrota do Peixe Galego nun apertado final ante o Calzados Robusta (81-83)
Por Redacción
Era un día importante. Despois de catro derrotas consecutivas visitaba o pavillón da Raña un rival directo pola permanencia, o CB Clavijo Calzados Robusta rioxano, pero o Peixe Galego non puido sumar a que tería sido a súa terceira vitoria da tempada.
O equipo marinense cedeu nun duelo igualado ao máximo e nun apertado final (81-83), cando unha falta en ataque de Andrés Miso a falta de 5 segundos para a conclusión terminou coas esperanzas dos de Javi Llorente, que gañaban de tres a fata dun minuto (81-78) pero que non puideron impoñerse nas posesións crave.
Ao final resultou decisiva a tripla de Marko Popadic para os visitantes cando restaban escasos segundos, e é que o partido foi unha exhibición desde a liña de tres, con 11 triplas anotadas para cada un dos equipos.
Botaban de menos o marinenses os puntos de Miso (25), ausente no anterior choque en Ourense, que xunto a Derksen (24) e Mugica (14) levou o peso ofensivo do equipo. Así o Peixe comezou dominando no primeiro parcial (26-19).
A pesar diso o Clavijo mellorou no segundo cuarto e xa no terceiro, cunha gran defensa, logrou poñerse por diante no electrónico (58-59).
Faltaban 10 minutos de tensión e igualdade que se acabaron decantando a favor dos visitantes, no que supón o seu primeiro triunfo da tempada, para desesperación da afección local, que reclamou con insistencia a falta sinalada en ataque na última posesión 'peixe'.
Sen tempo para pensar na derrota, os de Marín afrontarán o venres un novo partido da Liga LEB Ouro en Burgos.
Consulta aquí as estatísticas do Peixe Galego-Calzados Robusta.
Relacionadas:
-
Remontada do Peixe Galego para impoñerse ao Cáceres (77-68)
Por Redacción |
-
Outra derrota axustada para un combativo Peixe Galego en Burgos (69-67)
Por Redacción |
-
Partido clave a golpe de martes para o Peixe Galego
Por Redacción |
-
Derrota sen paliativos en Ourense dun mermado Peixe Galego (74-54)
Por Redacción |
-
Inoportuna infesta de lesións no Peixe Galego
Por Diego Espiño |