Inoportuna infesta de lesións no Peixe Galego
Por Diego Espiño
As lesións non puideron chegar en peor momento para o Peixe Galego, que en apenas sete días debe afrontar tres partidos de liga na LEB Ouro e algún tan importante como o do próximo martes 8 na Raña ante un rival directo pola permanencia, o actual pechacancelas Calzados Robusto.
Antes, o equipo marinense debe render visita á difícil cancha do COB Ourense tras "a semana máis difícil que tivemos".
Os problemas físicos de varios xogadores impediron aos de Javi Llorente traballar con normalidade, o que seguro se notará este sábado (19:00 horas) no Pazo dos Deportes Paco Paz de Ourense.
Mario Cabanas e Emilio Oubiña están descartados para o encontro, o primeiro por culpa dunha fascitis plantar e o segundo por unha escordadura no seu nocello. Ademais o técnico 'peixe' estará pendente ata última hora de Gregorio Adón, con molestias musculares, e Andrés Miso, debido a un golpe sufrido nun adestramento.
Especialmente preocupante é o caso de Miso pola súa incidencia no xogo exterior do equipo, aínda que se espera que poida estar finalmente sobre a pista.
Tamén é dúbida, no seu caso por motivos burocráticos, a recente fichaxe dos de Marín, o escolta estadounidense Alec Kobre. A idea de Javi Llorente é que poida gozar en Ourense dos seus primeiros minutos como xogador 'peixe'.
"Todavía no sabemos qué jugadores tendremos, pero no es una excusa", recoñece o técnico, convencido de poder pelexar polo triunfo ante un equipo que "me gusta mucho, es muy completo y muy compensado", polo que "si queremos tener opciones necesitamos estar muy bien".
CONVENIO CON ESTRELLA GALICIA
Noutra orde de cousas o Peixe Galego presentou este venres ao que, esperan, "sea el primero de una lista de grandes patrocinadores" cos que pretenden cubrir o orzamento da tempada, sinalou o seu presidente Javier Lage.
Trátase da empresa Hijos de Rivera, a través das súas marcas de cervexa e auga que pasan a ser as bebidas oficiais do equipo. O contrato de patrocinio rubricouse cun ano de duración con opción a un segundo.
Relacionadas:
-
Dolorosa derrota do Peixe Galego nun apertado final ante o Calzados Robusta (81-83)
Por Redacción |
-
Partido clave a golpe de martes para o Peixe Galego
Por Redacción |
-
Derrota sen paliativos en Ourense dun mermado Peixe Galego (74-54)
Por Redacción |
-
O Peixe Galego acode de novo ao mercado norteamericano para reforzar o seu plantel
Por Redacción |
-
O Barcelona B non dá opción ao Peixe Galego (67-79)
Por Redacción |
-
O Peixe Galego cede nos minutos finais tras un apertado partido ante o Araberri (82-71)
Por Redacción |