Mareantes e Pontevedra Rugby Club, listos para comezar unha nova tempada
Por Redacción
O rugby galego ponse ao fin en marcha despois dunha longa pretempada, co pistoletazo de saída esta fin de semana á competición na Primeira División Galega.
Mareantes e Pontevedra Rugby Club volverán competir na máxima categoría autonómica, que conta este ano con sete equipos.
Os catro primeiros da tempada regular xogarán o play-off polo título, mentres o sexto afrontará unha eliminatoria pola permanencia. O último clasificado descenderá directamente.
Os dous equipos pontevedreses coñecen xa o camiño que lles espera na liga, empezando este sábado 23 de outubro cun debut na casa para o Mareantes ante o Coreti Lalín e a domicilio para o PRC, que xogará adestrásese no campo do Muralla lugués.
O calendario de competición estableceu ademais que os derbis entre ambos os equipos xogaranse os días 10 de decembro e 11 de marzo, última xornada da liga regular.