A Coruña, segunda parada dun Peixe Galego pendente do transfer de Jason Cain
Por Diego Espiño
Coa moral polo alto tras o seu brillante triunfo da primeira xornada ante o Melilla, o Marín Peixe Galego afronta a segunda xornada ligueira na LEB Ouro cun complicado desprazamento á Coruña.
O cadro marinense visita este venres (21:00 horas, Palacio dos Deportes de Riazor), ao Leyma Basquet Coruña, "de lo mejor que hay en la liga", avisa o técnico 'peixe' Javi Llorente.
Faino ademais coa dúbida de se poderá contar cun das fichaxes estrela do verán, o pívot estadounidense Jason Cain, que xa perdeu a primeira xornada ao non chegar o transfer internacional desde o seu anterior equipo, o Petro Luanda angoleño.
Esta incerteza, unido ao bo rendemento que está a dar nos adestramentos, fixo que o club manteña polo momento no plantel a Joe de Ciman, ao que decidira cortar en pretempada.
Centrándose no Leyma Coruña, Llorente espera un "partido muy duro y físico" no que "tenemos que estar muy bien y que ellos no tengan el día" para tentar conseguir o triunfo.