Reto superado na Madrid-Lisboa Non Stop
Por Redacción
A Madrid-Lisboa Non Stop de BTT Maratón é xa un logro máis na colección da iniciativa solidaria Ponte1Reto, que quere dar visibilidade á loita contra a esclerose lateral amiotrófica (ELA).
Dous equipos formados por catro ciclistas cada un completou con éxito os 770 quilómetros que unen as capitais española e portuguesa. Todo iso por remudas e sen recibir asistencia técnica máis nada que nos puntos establecidos pola organización.
O Equipo 1 composto por Manuel Caramés, Fran Valiñas, Borja Vence e Josevi Cimadevila completou o percorrido nun tempo de 40 horas 25 minutos, obtendo o posto 48 da clasificación xeral.
Pola súa banda o Equipo 2 de Pablo Fernández, Víctor Pampín, Ramón Mella e Juan Hernández emplearón 40 horas e 51 minutos de esforzo, quedando no posto 54 da clasificación xeral.
Os equipos contaron coa asistencia técnica de Juan Quinteiro e Carlos Paredes, que completaron a expedición pontevedresa na dura carreira de resistencia.