Máis de 2.100 prazas para un novo curso das escolas deportivas municipais
Por Redacción
As escolas deportivas municipais do Instituto Municipal de Deportes prepáranse para afrontar un novo curso cunha ampla oferta para nenos e nenas entre 4 e os 14 anos.
O prazo de inscrición nas escolas abrirase o vindeiro martes 20 de setembro para as modalidades de fútbol e fútbol sala e o día 21 para o resto, coa novidade de que se atenderá aos interesados en anotar aos seus fillos nos despachos de billetes do Pavillón Municipal dos Deportes, debido ás obras de renovación da cuberta, de 9:00 a 13:30 horas e de 16:30 a 21:00 horas.
Nesta ocasión ofértanse un total de 2.147 prazas en 18 modalidades deportivas, nas que están involucrados ata 32 clubs.
O prezo de matrícula mantense en 50 euros, coa seguinte repartición de deportes e prazas:
DEPORTE | PLAZAS |
Atletismo | 170 |
Tríatlon | 35 |
Taekwondo | 40 |
Rugby | 80 |
Judo | 60 |
Loita olímpica | 12 |
Fútbol | 350 |
Fútbol sala | 165 |
Tenis | 175 |
Tenis de mesa | 15 |
Xadrez | 100 |
Voleibol | 75 |
Balonmán | 190 |
Ximnasia | 75 |
Ximnasia rítmica | 165 |
Ximnasia acrobática e trampolín | 60 |
Baloncesto | 350 |
Esgrima | 30 |