A repetir xesta no Sardinero
Por Ramiro Espiño
Pouco que perder e moito por gañar. O Pontevedra desprázase ata Santander para enfrontarse ao Racing coa intención de repetir a xesta da tempada pasada, na que os de Luisito realizaron un dos seus mellores partidos a domicilio, conseguindo regresar cos tres puntos.
Os cántabros, moi renovados con respecto ao ano anterior, volven ser un dos máximos favoritos para o ascenso, de aí a importancia que tería especialmente en forma de autoconfianza para os granates, conseguir rabuñar un resultado positivo.
Tras un lixeiro adestramento matinal, este sábado antes da partida, o técnico de Teo facilitou a lista de convocados para este complicado e atractivo desprazamento. Sen apenas sorpresa nin novidades, e con todos os xogadores á súa disposición, Luisito decidiu descartar a Miki, Adrián e Bruno, polo que os 18 convocados son: Edu, Santi Canedo, Miguel Loureiro, Bonilla, Jacobo Trigo, Portela, Kevin Presa, Íker Alegre, Álex Fernández, Mario Barco, Abel, David Añón, Capi, Gonzalo, Mouriño, Mateo, Álex González e Jacobo Millán.
O partido, que se disputará nos campos de Sport do Sardinero, dará comezo ás 19:00 horas deste domingo, e será dirixido polo colexiado Xabier Gómez Landazábal (Vasco), auxiliado nas bandas por Javier Marrón Rodríguez e Ekaitz García Arriola.
Relacionadas:
-
Un mal día na oficina do Pontevedra cústalle a derrota en Santander (2-0) ante o Real Racing
Por Redacción |
-
O partido do Pontevedra no Sardinero será televisado a través da web do Racing
Por Redacción |
-
Plácido triunfo do Pontevedra ante o Alondras en Copa Federación
Por Diego Espiño |
-
O Racing presenta ao seu novo dianteiro antes de recibir ao Pontevedra
Por Redacción |