Saleta Castro acaba en cuarta posición o Ironman 70.3 de Dublín
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Agora si que Saleta Castro estará con toda seguridade o próximo mes de outubro no Campionato do Mundo Ironman en Kona, Hawaii.
Aínda que tiña a clasificación na man tras o seu segundo posto en Maastricht, a triatleta pontevedresa non se fiaba do todo e por iso acudiu ao Ironman 70.3 de Dublín a sumar uns puntos que lle evitan sustos de última hora no ránking.
En Irlanda concluíu en cuarta posición cun tempo de 4:41:06. Saíu da auga na primeira trasición terceira e non moi lonxe da líder, Susie Cheetham, pero a británica puxo un ritmo imposible de seguir para as súas rivais e marcou distancias nos 90 quilómetros de ciclismo.
Á segunda transición Saleta chegou na quinta praza, pero conseguiu remontar unha praza no último sector, o medio maratón, no que se está convertendo nun dos seus puntos fortes, a carreira a pé na que termina cun alto ritmo.
En Dublín foi segunda a británica Natalie Seymour (4:26:48) e terceira a húngara Anna Halasz (4:35:22).
Tras esta competición Saleta Castro céntrase xa na súa preparación para Kona, e faio iniciando unha concentración en Navacerrada durante as próximas semanas.
Relacionadas:
-
Saleta Castro, deportista 'non grata' no CGTD
Por Diego Espiño & Mónica Patxot |
-
"Feliz" primeira experiencia de Saleta Castro no Ironman de Hawaii
Por Diego Espiño |
-
O soño de Saleta Castro faise realidade en Hawaii
Por Diego Espiño |
-
Ironman faino oficial, Saleta Castro clasificada para o Mundial de Hawaii
Por Redacción |
-
Saleta Castro, segunda no Ironman de Maastricht, a un paso do mundial de Hawaii
Por Ramiro Espiño |
-
Final feliz para Saleta Castro, que recupera a súa bicicleta para competir no Ironman de Maastricht
Por Diego Espiño |
-
Vueling perde a bicicleta de Saleta Castro a poucos días de que se xogue a súa presenza no Mundial Ironman
Por Diego Espiño | Creada e actualizada
-
Saleta Castro recobra a moral cun fantástico sexto posto no Ironman de Frankfurt
Por Diego Espiño |