Marco Martínez consegue unha medalla de bronce no Nacional cadete de atletismo
Por Redacción
Unha medalla de bronce foi o balance da Sociedad Gimnástica no Campionato de España Cadete de atletismo celebrado na localidade catalá de Granollers.
Conseguiuna Marco Martínez na proba de salto de altura, na que tivo que igualar a súa mellor marca, 1,84 metros, para subir ao terceiro chanzo do podio.
Ademais o atleta do club pontevedrés participou no salto de lonxitude, batendo o seu mellor rexistro con 6,35 metros, aínda que só lle valeu para terminar sétimo na clasificación final.
En Granollers tamén estiveron outros atletas da Gimnástica. Pablo Tojal conseguiu un posto de finalista na proba de salto con pértega, onde superou o listón sobre 3,51 metros para acabar sexto.
Pola súa banda Iria Filgueira (martelo) e María Jiménez (xavelina) quedaron algo lonxe das primeiras posicións ao acabar na décimo cuarta posición.
No Nacional cadete tamén conseguiu medalla, no seu caso de prata, a atleta do Cuntis Iria Rivas nos 3 quilómetros marcha.
Relacionadas:
-
Última gran competición da tempada atlética para a Gimnástica
Por Redacción |
-
Galicia é territorio da Gimnástica
Por Redacción |
-
O equipo cadete feminino da Gimnástica, a un paso do Nacional por equipos
Por Redacción |
-
Xornada de boas marcas no Memorial Celso Mariño
Por Mónica Patxot |
-
Darío Costas consegue unha medalla de prata no Nacional Junior de atletismo
Por Redacción |
-
Alberto Guerrero pon a guinda á boa fin de semana da Gimnástica
Por Redacción |