Medalla de bronce para Pablo Moreno no Campionato de España de Esgrima
Por Redacción
Pablo Moreno, tirador da Escola Hungaresa de Pontevedra e integrante do equipo nacional de esgrima, foi un dos protagonistas esta fin de semana no Campionato de España celebrado en Valladolid.
O deportista pontevedrés conseguiu a medalla de bronce en sabre nunha competición á que só accedían os 28 primeiros tiradores do ránking nacional.
Na rolda previa de poules, Moreno logrou vencer os sete asaltos do seu cadro, gañando tres deles por cinco tocados a cero, e só con catro tocados en contra en total.
Xa nas roldas eliminatorias, impúxose a primeiro a Daniel del Valle (Sala de Armas El Escorial) por 15 tocados a 2 e despois a Diego Santamaría (Club Esgrima Barajas) ao que gañou por 15 tocados a 10.
Unha traxectoria inmaculada ata semifinais, cando cedeu ante Fernando Casares (Club Esgrima Valladolid) por 15 a 12, quedando sen o paso ao final pero asegurando unha meritoria medalla de bronce.
Relacionadas:
-
Natalia Fernández, a un paso do podio no primeiro Torneo Nacional de Sabre da tempada
Por Redacción |
-
Lucas Campos e Pilar Garnelo, campións do Criterium Nacional de esgrima
Por Redacción |
-
Andrés Boullosa, bronce no Campionato de España de Sabre M-15
Por Redacción |
-
Notables resultados da Escola Hungaresa no Trofeo Internacional Sant Jordi
Por Redacción |