Éxito do taekwondo pontevedrés no Open de Basauri
Por Redacción
Un total de 18 medallas logrou a sección galega júnior de taekwondo na novena edición do Open de Basauri, disputado este sábado nesa localidade vasca coa participación de Galicia, Madrid, Cataluña, Navarra, Aragón e Vizcaya, entre outras seleccións.
Os deportistas galegos lograron oito ouros, cinco pratas e 5 bronces.
E dentro de éxito, a participación dos taekwondistas pontevedreses foi notable.
Así, colgaron a medalla de ouro Arlet Ortiz (-52, Mat´s), Uxía Ogea (-55, Mace Sport), Nicolás Argibay (-59, Taekanart) e Unai Silva (-63, Mace Sport).
Ao segundo lugar do caixón, logrando a medalla de prata, subiron Jéssica Blanco (-55, Mace Sport), Abraham Ramírez (-55, Mace Sport); mentres que o bronce foi para Artai Pazos (-55, Mace Sport).
O resto dos galegos que acadaron medalla foron Aida Mondragón (-68, Olimpic), Alberto Verea (-55, Maniotas), Adrián Pombo (-73, Natural Sport) e Júnior Martinez (+78, Neka), que foron campións; Elena Pérez (-44, Natural Sport), Alba Vidal (-59, Kido) e Tania Castiñeira (+68, Hebe), que acadaron a prata; e Lucía Santomé (-46, Patiño), María González (-49, Couto), Antón Romero (-45, Natural Sport) e Alberto Bautista (-48, Budo) que foron bronce.
Galicia acudiu a este evento cun equipo de 30 deportistas, a pesares dalgunha baixa de última hora. O obxectivo fundamental era preparar á selección galega para o Campionato de España, que se celebrará a finais de setembro.
Relacionadas:
-
O taekwondo pontevedrés regresa con tres medallas do Nacional Junior de combate
Por Redacción |
-
Reto mundial para o Mace Sport en Perú
Por Redacción |
-
David Rodríguez logra o bronce no Campionato de Europa Cadete de taekwondo
Por Redacción |
-
O pontevedrés David Rodríguez pon rumbo ao Europeo cadete de taekwondo
Por Redacción |