A Gimnástica terá desquite polo ascenso a Primeira División Feminina
Por Redacción
A pasada tempada quedaron sen ascenso por só tres puntos, e nesta queren quitarse a espiña.
O equipo feminino da Sociedad Gimnástica participará na final da Segunda División de Atletismo, onde buscará terminar entre os dous mellores para conseguir dar o salto de categoría.
Polo momento a Federación Española de Atletismo fixo público o estadillo de marcas de todos os clubs, colocando ás pontevedresas na segunda posición do ránking con 13.638 puntos, só superadas polo ADAS do Barco con 13.789 puntos.
Clasificadas para a final, na que se enfrontarán os oito mellores clubs da categoría, falta saber a sede elixida pola Federación. Celebrarase o 12 de xuño nun encontro octogonal no que cada equipo presentará a unha atleta en cada unha das 18 probas individuais e a catro relevistas.
SEGUNDA ASALTO PARA O EQUIPO MASCULINO EN DIVISIÓN DE HONRA
Pola súa banda o equipo masculino encara con ilusión a segunda xornada da División de Honra, na que parte co obxectivo de meterse na final polo título, entre os oito mellores clubs e certificar así a permanencia pola vía rápida.
En Burgos parte como favorito este sábado o Fútbol Club Barcelona, mentres os pontevedreses pelexarán pola segunda praza co Cova de Nerja. O club local, Universidade de Burgos, terá complicado escapar do último posto do encontro.
As lesións seguen condicionando á Gimnástica, que volverá contar con baixas sensibles como Eduardo Gallardo e Julián Ortiz, ademais dalgunha dúbida que pode motivar cambios de última hora.
Os atletas insluidos na convocatoria son: Alberto Guerrero, Alberto Salcedo, Alejandro Otón, Alex Flórez, Alexandre Solla, Ángel Vargas, Darío Costas, David Ferrer, David Martínez, David Veiga, Enric Obiol, Manuel Hurtado, Gonzalo Sánchez, Ignacio Sarmiento, Iván Blanco, Iván Docampo, Javier Guzmán, Jon Alonso, José Manuel Vila, David Rocha, Lysvanys A. Pérez, Manuel Castellanos, Manuel Molinos, Roberto Tello, Rubén Diz, Santiago Ferrer, Sergio Paredes, Víctor Gallego e Víctor José García.
Relacionadas:
-
O ascenso do equipo feminino da Gimnástica pasa por Cáceres
Por Redacción |
-
A Gimnástica métese na final polo título de División de Honra
Por Redacción |
-
Sobresaínte Campionato de España Universitario para a Gimnástica
Por Redacción |
-
Xornada atlética pasada por auga no Trofeo Sociedad Gimnástica
Por Mónica Patxot |
-
Emparellamento alcanzable para a Gimnástica na segunda xornada de División de Honra
Por Redacción |