A Escola Naval centrará a actividade da XXIV Regata Guardiamarina
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Regata Guardiamarina volverá encher de cor as rías de Pontevedra e Vigo os próximos 21 e 22 de maio.
A competición de cruceiros organizada polo Real Club Náutico de Vigo e a Escola Naval Militar, terá nesta ocasión o seu centro operativo na instalación marinense.
Preto de 30 embarcacións daranse cita na proba, segundo as previsións da organización, cruceiros a vela monocasco ORC cun mínimo de sete metros de eslora.
A regata, que se presentou este xoves na Escola Naval, comezará o sábado 21 de maio cun percorrido costeiro desde Marín ata Vigo, realizando o percorrido contrario o domingo día 22.