Malestar no Galaico e a natación autonómica por quedar fóra das axudas da Fundación Deporte Galego
Por Diego Espiño
A repartición de axudas de patrocinio anunciado pola Fundación Deporte Galego, no que se viron beneficiados 21 clubs de alta competición na comarca, levantou bochas na natación galega.
Visualiza ese malestar o Club Natación Galaico, que quedou fóra destas axudas económicas a pesar de ser "el único club gallego en una liga nacional", defende o seu presidente, José Miguel Cano.
Ningún club de natación galego accedeu ao convenio con Deporte Galego porque "no nos dejan, dicen que no cumplimos requisitos" explica Cano, ao non contar cunha liga regular.
Con todo o Natación Galaico si se beneficiaba anteriormente deste plan ata que "hai dous anos quitáronnolo de golpe", asegura o dirixente pontevedrés. O club que preside recibía por aquel entón "sobre 10.000 euros".
O malestar coa Secretaría Xeral para o Deporte é xeral en toda a natación autonómica e "desde la Federación estamos cansados de quejarnos".
O Club Natación Galaico, con 260 fichas tramitadas esta tempada nas diferentes categorías e resultados como o título nacional en augas abertas, defende que "nos gastamos una pasta en llevar a los nadadores a los campeonatos". Por exemplo, para o próximo Campionato de España nas Palmas "no hemos encontrado vuelos y hotel por menos de 4.000 euros, ¿y de dónde los sacamos?", quéixase José Miguel Cano, que pretende o mesmo trato que outras entidades deportivas da bisbarra.
A Fundación Deporte Galego, en colaboración con Abanca, destina este ano 2.420.000 euros ao plan de patrocinios, do que se benefician un total de 132 equipos galegos.