Polémica en Ribadumia pola cancelación da ruta BTTinto
Por Redacción
A decisión do Concello de Ribadumia de renunciar á organización da ruta BTTinto, que cumpriría en 2016 a súa quinta edición, xerou unha intensa polémica no municipio.
O goberno local alega o elevado custo que supón a celebración da proba deportiva, que o pasado ano reuniu a preto de 3.000 ciclistas, así como o incoveniente que supoñía non cobrar pola inscrición.
Estes detalles foron rebatidos, a través dun comunicado, polos clubs organizadores da BTTinto, o Club Armenteira e Punto, CDM Xesteiras e Club Ciclista do Salnés.
"Desde o Concello está a tentarse transmitir a idea de que a Ruta BTTinto non se celebra porque os clubs negámonos a cobrar, cousa que non é certa", aseguran os clubs recoñecendo que "non se cobrou en ningunha edición e a nosa intención era traballar para que así fóra, pero sempre tendo claro, que o obxectivo era a celebración da proba, e se había que cobrar, pois se cobraría".
O goberno municipal plantexou que fose unha empresa externa a que se ocupase da organización da proba popular, unha idea que non comparten os clubs porque "que a Ruta BTTinto ten unha identidade moi singular, que difire moito da maioría de probas que organizan este tipo de empresas".
Armenteira e Punto, Xesteiras e Club Ciclista Salnés defenden ademais que o custo que se lle imputa á proba inclúe partidas destinadas á Festa do Viño Tinto.
Consulta aquí o comunicado completo dos clubs organizadores da BTTinto.