Changui resolve e o Ribadumia gaña a final de Barbadás (1-3) afastando o descenso
Por Redacción
Vitoria que vale máis de tres puntos. O Ribadumia impúxose na final de Barbadás, superando ao equipo local e poñendo terra polo medio cos postos de descenso, ademais de dar a volta ao golaverage parcial co equipo ourensán, que gañara na Senra (1-2).
Tres goles de Changui resolveron o partido para os de Sierra, que seguen atopando lonxe do seu campo a solución aos seus males, logrando a súa segunda vitoria consecutiva a domicilio.
Os dous equipos sabían o moito que se xogaban, pero foi o Ribadumia quen mellor controlou os seus nervios. Tras uns primeiros minutos de gran intensidade por ambas as partes, o Ribadumia atopou a Changui, que adiantaba aos seus no minuto 25.
O gol deu maior tranquilidade aos de Sierra, que ampliarían distancias antes do descanso. De novo Changui encargábase de materializar o tanto, xusto antes do descanso.
A sentenza chegaría co terceiro gol de Changui cando se cumpría a hora de xogo, que deixaba o partido sentenciado, aínda que Moises Pereiro reduciu distancias a falta de seis minutos, pero sen facer perigar a vitoria visitante.
Consulta aquí o acta do partido.
Relacionadas:
-
O Ribadumia alcanza a tranquilidade goleando a domicilio ao Silva (0-3)
Por Redacción |
-
O Ribadumia cede nos minutos finais ante o Choco (0-1)
Por Redacción |
-
Tres puntos de ouro para o Ribadumia que asalta o Baltasar Pujales (1-2)
Por Redacción |
-
O Ribadumia déixase remontar para terminar rescatando un punto fronte ao Barco (2-2)
Por Redacción |