O medio maratón Maralba presenta a súa segunda edición aspirando a ser a "Vig-Bay do Salnés"
Por Redacción
Sanxenxo, que substitúe a Cambados como punto final da proba, foi sede este venres da presentación en sociedade da segunda edición do medio maratón Maralba, denominado agora Maralbatur Running Fest.
A proba, que se celebrará o domingo 22 de maio entre O Grove e Sanxenxo, aspira a converterse a medio prazo na "Vig-Bay do Salnés", segundo sinalaron os concelleiros de Deportes de ambas as localidades, Santiago Meis e Jesús Sueiro.
Polo momento, a máis dun mes para a carreira, son case 250 os inscritos no medio maratón, que gozarán dun percorrido "muy bueno, que tiene algún kilómetro complicado", explicou o director técnico da proba, o triatleta Pablo Dapena.
O deportista pontevedrés sinalou ademais que "si la meteorología acompaña, los participantes verán un recorrido precioso con la entradas en cuatro núcleos urbanos".
Tras un primeiro tramo de dous quilómetros polo núcleo urbano do Grove, a carreira pasará pola illa da Toxa antes de dirixirse cara á Lanzada e continuar pola costa en dirección a Portonovo e Sanxenxo finalizando na praia de Silgar.