O deporte como elemento para a inclusión
Por Redacción
O Pavillón Municipal dos Deportes foi escenario este mércores dun torneo diferente, no que o resultado pasou a un segundo plano.
Catro equipos formados por futbolistas dos equipos masculino e feminino do Leis Pontevedra e xogadores do Club Polideportivo Juan XXIII disputaron o campionato, con dúas semifinais e unha final.
O obxectivo, o mesmo que promove a Asociación Juan XXIII, que o deporte impacte positivamente na calidade de vida das persoas con discapacidade intelectual.
Traballo en equipo, motivación, autoestima ou ilusión son algúns dos aspectos que potencian estas actividades, que ademais posibilitan as relacións interpersoais, a integración social e a visualización da discapacidade na sociedade.
Esta actividade é a segunda que realiza o Club Polideportivo Juan XXIII con clubs da comarca, tras unha xornada deportiva co Peixe Galego de baloncesto. Ademais tamén compartirán experiencias coa Sociedad Deportiva Teucro.