Tres puntos de ouro para o Ribadumia que asalta o Baltasar Pujales (1-2)
Por Redacción
Segue o Ribadumia facendo saltar a sorpresa nos campos máis difíciles da categoría. Todo o que lle custa sacar adiante os seus partidos como local, tradúcese en conseguir puntos fronte aos rivais máis complicados. Se hai apenas un mes conseguía derrotar o Cerceda no Roxo, nesta ocasión logrou asaltar o Baltasar Pujales, afastando ao Rápido de Bouzas dos seus soños de play-off.
Os de Sierra aproveitáronse do mal partido do Rápido na primeira parte, dominando e creando máis perigo que o seu adversario, con dúas claras ocasións que Sergio Ríos, o mellor dos seus, logrou salvar.
Pouco antes de cumprirse a media hora de xogo, Changui é derrubado na área e o árbitro pita penalti, ante as protestas do equipo local. O mesmo Changui transforma, adiantando aos da Senra.
O gol deu confianza ao Ribadumia, crecido, que lograba o segundo antes do descanso por medio de Nando.
Co marcador costa arriba, a segunda parte foi de dominio do Rápido, pero os vigueses non estiveron acertados nos metros finais. Pereira, de cabeza, reducía diferenzas no minuto 57, pero o Ribadumia aguantou ben, defendendo con orde e intensidade, con caída na área incluída de Oki, que se reclamou como penalti, pero que o colexiado non sancionou, estimando que o dianteiro se había tirado, polo que foi amoestado.
Ao final, tres puntos vitais que permiten ao Ribadumia escapar dos postos de descenso directo e soñar con eludir tamén os máis que probables arrastres.
Consulta aquí o acta do partido.
Relacionadas:
-
Changui resolve e o Ribadumia gaña a final de Barbadás (1-3) afastando o descenso
Por Redacción |
-
O Ribadumia déixase remontar para terminar rescatando un punto fronte ao Barco (2-2)
Por Redacción |
-
Paso atrás do Ribadumia que cae vítima do antifútbol na súa visita ao pechacancelas Bergantiños (2-1)
Por Redacción |