A carreira popular Volta á Illa de Ons consolídase na súa terceira edición
Por Redacción
Despois do apoio recibido os dous últimos anos, o Club de Atletismo Corredoiras, co apoio do Concello de Bueu, organiza a terceira edición da carreira popular Volta á Illa de Ons.
Como novidade, nesta ocasión ademais da carreira organizarase unha andaina competitiva e unha visita guiada complementaria.
O percorrido será o habitual, de case 20 quilómetros e con tres puntos de avituallamento en meta, á altura do faro e á beira do 'Buraco do Inferno'.
A Volta á Illa de Ons celebrarase o domingo 15 de maio con saída ás 11:00 horas. O número de participantes limítase aos 350, 200 deles para a carreira e 150 para a andaina e visita guiada.
A inscrición para a proba habilitarase o vindeiro luns 11 de abril en www.prueba-t.es, cun custo de 25 euros (barco incluído) no caso da carreira e 5 euros para a andaina.