O Froiz roza o triunfo en Padrón pero sofre na Copa de España
Por Redacción
Mal fin de semana para o Grupo Deportivo Supermercados Froiz en dous das citas marcadas en vermello no calendario, o Memorial Valenciaga e a Clásica de Pascua.
Na cita padronesa o equipo pontevedrés si estivo preto do triunfo con Pedro Merino, moi atento aos cortes e que se xogou a vitoria na liña de meta nun reducido grupo de cinco ciclistas.
O gañador final foi Pedro Gregori (Aluminios Cortizo) que superou aos seus compañeiros de fuga por tres segundos, sendo Merino quinto.
Peor lle foron as cousas á escuadra alimenticia no prestixioso Memorial Valenciaga, cuarta cita da Copa de España Elite e Sub-23.
O Froiz acusou a baixa por lesión de Francisco Medina, que aspiraba a todo na cita eibarresa ademais de ser o líder do equipo nesta competición, e os seus corredores quedaron moi lonxe dos primeiros postos.
O mellor clasificado no Valenciaga foi Rodrigo Enríquez, que entrou no posto 51 a case tres minutos do vencedor, José Manuel Díaz (Extremadura).
O equipo pontevedrés terá oportunidade de desquitarse o vindeiro domingo, 10 de abril, en Tarragona na I Clásica Xavi Tondo, proba que se estrea no circuíto nacional.
Relacionadas:
-
O Froiz pecha en Madrid a Copa de España con homenaxe ao seu director, Evaristo Portela
Por Redacción |
-
Importantes citas para o Froiz en Portugal e Castellón
Por Redacción |
-
Medina pérdese o Memorial Valenciaga e complica as opcións do Froiz na Copa España
Por Redacción |
-
José Luis Mariño dálle ao Froiz o seu primeiro triunfo da tempada
Por Redacción |
-
Ao Froiz resísteselle o triunfo
Por Redacción |