O Ribadumia déixase remontar para terminar rescatando un punto fronte ao Barco (2-2)
Por Redacción
Abonado á emoción dos últimos minutos, o Ribadumia ofrece incerteza ata o final en moitos dos seus partidos. Nesta ocasión a recta final de cada tempo serviu aos de Sierra para sumar un importante punto fronte ao Barco, nun partido condicionado polo forte vento que se rexistrou na Senra, e que dificultou o xogo.
Foi un tempo para cada equipo. Os aurinegros, que puideron resolver na primeira parte, viron como o Barco remontaba na segunda e contaron coa fortuna como aliada no último suspiro, en forma de gol en propia meta do equipo ourensán, que establecía o xusto empate final.
A primeira ocasión clara foi para Nando, que aos nove minutos mandaba o balón rozando o poste. Un minuto máis tarde Changui non acerta a superar ao porteiro visitante no man a man, como tampouco o faría na mesma situación aos 22 minutos.
Pero á terceira foi a vencida, e cando faltaban cinco minutos para o descanso, Changui atopou por fin a forma de superar a Marcos Macía, coando o balón por baixo do corpo do porteiro do Barco, para adiantar ao Ribadumia.
A segunda parte foi de dominio e ocasións visitantes. O Barco nivelaba pronto o marcador, por medio de Rubén Arce (minuto 52), e Rodri, de cabeza, adiantaba aos visitantes (minuto 64).
O mesmo Rodri puido sentenciar a falta de cinco minutos, pero Manu Táboas detivo o seu remate, permitindo ao Ribadumia a igualada a falta dun minuto, cando Pablo Corzo ao tentar despexar un tiro de Hugo, mete o balón na súa propia portería.
Consulta aquí o acta do partido.
Relacionadas:
-
Changui resolve e o Ribadumia gaña a final de Barbadás (1-3) afastando o descenso
Por Redacción |
-
Tres puntos de ouro para o Ribadumia que asalta o Baltasar Pujales (1-2)
Por Redacción |
-
Paso atrás do Ribadumia que cae vítima do antifútbol na súa visita ao pechacancelas Bergantiños (2-1)
Por Redacción |
-
O Ribadumia entrega na Senra o que recolle a domicilio e deixa os puntos ante o Deportivo B (1-2)
Por Redacción |