Fernando Echávarri achégase ao podio e Echegoyen escala ata o Top-10 no Trofeo Princesa Sofía
Por Redacción
A dous días para que conclúa o Trofeo Princesa Sofía de vela en augas de Palma de Mallorca, os regatistas pontevedreses deron un importante salto cara ás primeiras posicións.
Fernando Echávarri, preto da clasificación olímpica en Nacra 17 xunto á canaria Tara Pacheco, escalou ata a quinta praza provisional para situarse a só cinco puntos do podio nunha clase que dominan polo momento os franceses Billy Besson e Marie Riou.
Nunha xornada con duras condicións de navegación en Palma, Echávarri e Pacheco asinaron este xoves un segundo, un sétimo e un noveno posto nas tres mangas disputadas. "Estamos contentos porque seguimos mellorando, non tivemos a oportunidade de navegar moito con estas condicións así que o balance é positivo", sinalou o regatista pontevedrés
Pola súa banda, no 49er FX, Támara Echegoyen e a cántabra Berta Betanzos protagonizaron unha importante remontada para situarse provisionalmente na décima posición.
Echegoyen e Betanzos ascenderon oito postos grazas a dous segundos e un terceiro posto nas catro regatas do día, aínda que se atopan lonxe das prazas de podio.
Relacionadas:
-
Fernando Echávarri, vitoria na Copa do Mundo e pasaporte para os Xogos Olímpicos
Por Redacción |
-
O Campionato de Europa de 49er, novo reto para Támara Echegoyen
Por Redacción |
-
Cuarto posto final para Fernando Echávarri no Trofeo Princesa Sofía
Por Redacción |
-
Támara Echegoyen e Fernando Echávarri, na pelexa polo Top-10 do Trofeo Princesa Sofía
Por Redacción |
-
Fernando Echávarri busca achegarse aos Xogos de Río no Trofeo Princesa Sofía
Por Redacción |