Ao Froiz resísteselle o triunfo
Por Redacción
Rozou o triunfo o Grupo Deportivo Supermecados Froiz na dobre cita da fin de semana en Zamora, pero ao equipo dirixido por Evaristo Portela resísteselle polo momento a vitoria.
Joao Araújo finalizou cuarto no Trofeo Concello de Zamora, nunha proba decidida ao sprint. O ciclista do Froiz pelexaba polo triunfo, pero acusou un erro a falta de 500 metros no paso por unha rotonda.
Só un día despois, tamén na provincia zamorana, o equipo pontevedrés participou no prestixioso Trofeo Iberdrola, unha das principais clásicas do ciclismo elite e sub-23 nacional.
A carreira tivo claro acento galego. Despois de que o pelotón neutralizase a escapada do día, formouse un grupo de sete corredores que tamén foi cazado a falta de poucos quilómetros da meta por un reducido pelotón, no que se atopaba Pedro Merino.
O corredor do Froiz foi finalmente sétimo nunha trepidante chegada, a cinco segundos do vencendor, o ciclista do Aluminios Cortizo Jorge Montenegro, mentres Aser Estévez (Rías Baixas) foi cuarto co mesmo tempo que o gañador.
A Semana Santa detén agora o calenadrio competitivo, que se retomará en abril con importantes citas como o Memorial Valenciaga ou a Clásica de Pascua en Padrón, nas que a escuadra alimenticia buscará o primeiro triunfo do ano.
Relacionadas:
-
O Froiz roza o triunfo en Padrón pero sofre na Copa de España
Por Redacción |
-
Medina pérdese o Memorial Valenciaga e complica as opcións do Froiz na Copa España
Por Redacción |
-
José Luis Mariño dálle ao Froiz o seu primeiro triunfo da tempada
Por Redacción |
-
Medina destácase como o líder do Froiz tras a Aiztondo Klasikoa
Por Redacción |
-
José Enrique Porto e César Neira, incluídos no equipo nacional para o Mundial de Ciclismo Adaptado
Por Redacción |
-
Xornada aciaga para o Froiz no Trofeo Guerrita
Por Redacción |