O Leis Pontevedra presenta á súa familia ante a cámara
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Na previa do partido que o primeiro equipo masculino do Leis Pontevedra disputou o sábado 5 de marzo fronte ao Esteo, a entidade quixo reunir a todas as súas categorías para realizar a gran foto familiar ás 16:00 horas na súa casa, o Pavillón Municipal dos Deportes.
No acto realizáronse tanto as fotos individuais a cada xogador como as fotografías a cada categoría e a gran foto xeral, todas elas co novo equipamento que a marca Luanvi proporciona ao conxunto pontevedrés.
O equipo azul, que reúne ao redor de 270 xogadores organizados en 17 equipos federados, deixa claro así a súa aposta non só por un proxecto deportivo senón por formar un conxunto familiar, onde os seus valores sexan parte fundamental no impulso do equipo.
O Leis Pontevedra presenta a súa familia
© Diego Torrado