O Cisne prescinde de Edín Covelo na busca dun "revulsivo"
Por Diego Espiño
Cambio de rumbo no Club Cisne Balonmano tras os últimos resultados que colocaron ao equipo nunha delicada situación na clasificación.
A directiva presidida por Santiago Picallo decidiu prescindir do adestrador do equipo, Edín Covelo, ao considerar que "un cambio puede suponer un revulsivo en busca de la permanencia", sinalou o dirixente.
Santiago Picallo: "Consideramos que un cambio puede suponer un revulsivo"
Aínda que a decisión tomouse o pasado venres tras falar co técnico, co que o club ascendeu a pasada campaña a División de Honra Prata, a substitución non se fixo efectiva ata esta semana, despois da viaxe a Valladolid.
Picallo recoñece que "el equipo está jugando bien" e que o cambio de adestrador "puede no salir bien", pero a pesar diso confía en que teña un efecto positivo no plantel.
O ata agora segundo adestrador do equipo, Nano, farase cargo do banco cineísta ata final de tempada co claro obxectivo de conseguir a permanencia na división de prata do balonmán nacional.
A falta de oito partidos para que termine a liga, o Cisne ocupa o décimo quinto posto, penúltimo, con 10 puntos.
Relacionadas:
-
Pablo Galán conduce ao Cisne a dar a badalada en Zamora (25-27)
Por Redacción |
-
A responsabilidade atenaza ao Cisne fronte a BM Antequera (20-26)
Por Redacción |
-
O Cisne necesita ao seu xogador número oito para recibir ao Antequera
Por Ramiro Espiño |
-
O Cisne aguanta ata o descanso pero acaba claudicando en Valladolid (32-27)
Por Redacción |
-
Bidasoa acredita a súa condición de líder e sentenza ao Cisne no primeiro tempo (21-35)
Por Ramiro Espiño |