O Cisne aguanta ata o descanso pero acaba claudicando en Valladolid (32-27)
Por Redacción
Bo partido do Cisne na cancha dun dos favoritos ao ascenso á máxima categoría, o Atlético Valladolid (32-27).
Os pontevedreses plantaron cara ao poderoso equipo castelán, pero terminaron cedendo na segunda metade despois dun gran inicio, no que chegaron a dominar por 3-6.
O arranque do Cisne obrigou ao adestrador local, Ignacio González, a pedir tempo morto, e deu resultado porque pronto igualaron o electrónico para continuar cunha disputada primeira metade.
Con empate chegouse á última acción da primeira metade, pero unha exclusión de Miguel Simón e o posterior gol de David Fernández permitián ao Valladolid marchar ao descanso en vantaxe (16-15).
A acción resultaría decisiva, porque aproveitando a superioridade numérica os valisoletanos abriron unha brecha no marcador nos dous primeiros minutos do segundo tempo (18-15) que xa non permitirían remontar.
Non desconectaron os de Edín Covelo, que tentaron meterse de novo no partido (22-20), pero os locais sacaron a relucir o seu poderío para ampliar a súa renda e sentenciar o choque no último tramo do partido.
A derrota deixa ao Cisne na décimo quinta praza da División de Honra Prata con 10 puntos.
Consulta aquí o acta do partido.
Relacionadas:
-
A responsabilidade atenaza ao Cisne fronte a BM Antequera (20-26)
Por Redacción |
-
O Cisne necesita ao seu xogador número oito para recibir ao Antequera
Por Ramiro Espiño |
-
O Cisne prescinde de Edín Covelo na busca dun "revulsivo"
Por Diego Espiño |
-
Bidasoa acredita a súa condición de líder e sentenza ao Cisne no primeiro tempo (21-35)
Por Ramiro Espiño |