O Teucro, a poñer fin ao seu mal fario fóra da casa ante un Ciudad Encantada "enrabietado"
Por Diego Espiño
Importante cita a que afronta este sábado (20:30 horas, Movistar+) en Cuenca a Sociedad Deportiva Teucro na súa loita por salvar a categoría.
Os azuis visitan a cancha do Ciudad Encantada convencidos de porde sumar o seu primeiro triunfo a domicilio da tempada na liga Asobal, unha cuestión que se converteu case en obrigación porque "abajo están sumando todos los equipos y nosotros también queremos sumar para alejarnos lo que podamos del descenso", recoñece José Manuel Rial.
Quique Domínguez: "Será un partido disputado, intenso y duro por momentos"
Quique Domínguez espera atoparse a un rival "enrabietado" tras as súas últimas derrotas e un pavillón no que "el público aprieta mucho", polo que prevé un partido "disputado, intenso y duro por momentos".
Nesa loita o cadro teucrista botará en falta a Gonzalo Carró no pivote e sobre todo en tarefas defensivas, sancionado cun partido tras a súa descualificación ante o Go Fit.
Será a única baixa dos azuis, xa que García Pichel adestra "con normalidad" e Chapela, a pesar dos seus problemas no ombreiro, "está haciendo un esfuerzo para estar con el equipo", sinalou o preparador pontevedrés.
No Ciudad Encantada a principal dúbida é o estado físico de Víctor Frade, xa que unhas molestias nas costas impediron adestrar durante a semana ao pivote galego.
O partido será arbitrado polo asturiano José Luis Fernández Fernández e o madrileño Antonio Martín Franco.