Pablo Galiano, reforzo para o Balonmán.com
Por Redacción
O Balonmán.com Pontevedra refórzase coa intención de afastarse da zona de descenso da Primeira Nacional e asentarse no medio da clasificación.
O cadro pontevedrés pechou a fichaxe de Pablo Galiano, pivote canteirán do Cisne pero que agora militaba no BMC madrileño, onde compaxinaba os seus estudos co deporte federado.
Galiano, finalizados os seus estudos, retorna agora á cidade de Lérez por motivos laborais e o Balonmán.com aproveitou a circuntacia para incorporar a "un xogador contrastado", explicou Pedro Pérez.
O adestrador do equipo é ademais, xunto a Anxo Soliño, outra das altas do equipo, ao tramitar a súa ficha pola lesión do gardameta Santiago Picallo.
En canto a Pablo Galiano, o xogador mostrouse convencido de que "nesta segunda volta o equipo sumará moitos máis puntos que a primeira".