A Copa do Rei de baloncesto, de visita en Pontevedra e Marín
Por Redacción
Os afeccionados ao baloncesto teñen unha cita ineludible este xoves. A Copa do Rei de baloncesto chega a Pontevedra e Marín, na xira que emprendeu por todo o país para promocionar esta cita deportiva que terá lugar na Coruña do 18 ao 21 de febreiro.
En Pontevedra, haberá dúas citas reservadas a escolares. De 11.15 a 12.15 horas estará no instituto Sánchez Cantón e, de 13.00 a 14.00 horas, estará no CEIP Campolongo.
Xa pola tarde, a Copa do Rei estará accesible a todos os cidadáns. Será de 17.00 a 19.00 horas na Casa da Luz.
A Marín chegará o próximo domingo 7 de febreiro desde as 17.00 ás 22.00 horas no pavillón da Raña, coa celebración do III Torneo de Seleccións Autonómicas de baloncesto.