O Portonovo gaña no Grove, o Sanxenxo segue en forma e Villalonga e Céltiga golean
Por Redacción
Oito xornadas sen perder encadea o Xuventú Sanxenxo en liga, que lle levaron a aproximarse á zona alta da táboa.
Tras empatar a semana pasada en casa do líder, os amarelos exhibiron o seu bo momento cun como triunfo en casa ante o Arenteiro (3-1). Un gol de Álex Currás e dous de Cuchi colocaron en vantaxe aos locais ante un rival que só conseguiu anotar no último minuto para maquillar o resultado.
O Sanxenxo sitúase na sétima praza con 35 puntos, a catro da zona de promoción de ascenso.
No liderado, comodamente, segue o Villalonga tras a súa plácida goleada en Domaio (0-4), con dous goles de Javi Pazos, un de Alfonso e outro de Héctor.
Por detrás o Céltiga mantense á espreita na terceira praza, a sete puntos do Gondomar, despois de gañar en Lalín (0-4) nun encontro que pese ao resultado non se decidiu ata os minutos finais.
Pola súa banda, o Portonovo levou o duelo ante o Unión Grove no Monte da Vila (0-2), nun partido igualado que se decantou para os arlequinados na segunda metade, cos goles de Roberto Otero e Brian.
O triunfo sitúa ao Portonovo na novena praza con 31 puntos, mentres o Grove é décimo sexto con 25 puntos.