Fantástico cuarto posto da Gimnástica na Copa do Rei de atletismo
Por Redacción
O equipo masculino da Sociedad Gimnástica igualou en Valencia a súa mellor clasificación nunha Copa do Rei, cun fantástico cuarto posto.
O cadro pontevedrés realizou un notable papel e nin a accidentada viaxe a terras valencianas, na que houbo que esperar sete horas pola saída do seu voo en Santiago de Compostela, evitouno.
Na prestixiosa competición baixo teito se reunen os oito mellores equipos do ránking, sendo o triunfo nesta ocasión para o Playas de Castellón (94 puntos), seguido do FC Barcelona (86) e Fent Cami Mistala (60).
Tras eles situouse a Gimnástica (51 puntos) nunha dura batalla co AD Marathon madrileño (50,5) e Grupompleo Pamplona (49,5). Sétimo foi Scorpio de Zaragoza (40 puntos) e oitavo o Tenerife CajaCanarias (32).
O cadro pontevedrés tivo que afrontar a ausencia de última hora de Ricardo Gayá en triplo salto, competindo no seu lugar Jon Alonso cunha sétima praza.
Os mellores resultados foron o triunfo parcial de Alberto Salcedo nos 200 metros e o segundo posto de Lysvanys Pérez en salto de altura, cunha marca de 2,16 metros que supón record do club.
Non houbo máis podios, pero a maioría de atletas situáronse entre o cuarto e o sexto posto, sen grandes tropezos que penalizan moito nesta competición. De feito o cuarto posto conseguiuse grazas ao papel do relevo 4x200, que gañou a súa serie cun tempo de 1.29.79 e aproveitou o erro do Marathon nunha mala entrega da testemuña.
Relacionadas:
-
A Gimnástica estará por sexto ano consecutivo na Copa do Rei de atletismo
Por Diego Espiño |
-
A Gimnástica terá representación en todos os Campionatos de España en Pista Cuberta
Por Redacción |
-
Dominio da Gimnástica no Campionato Galego de Cros
Por Redacción |
-
Darío Costas apunta á internacionalidade
Por Redacción |
-
A Gimnástica afronta con ilusión a súa participación na Copa do Rei de atletismo
Por Redacción |
-
A Gimnástica xa ten rivais para a primeira xornada da División de Honra
Por Redacción |
-
A Gimnástica, clasificada por quinto ano consecutivo para a Copa do Rei
Por Redacción |