Entroido de minibasket en Marín
Por Redacción
Os pavillóns da Raña e Sequelo, en Marín, vivirán este ano un entroido de baloncesto coa disputa do III Torneo de Seleccións de Minibasket promovido pola Federación Galega de Baloncesto.
Serán catro seleccións, en categorías masculina e feminina, as que competirán en Marín durante toda a xornada do domingo 7 de febreiro e a mañá do luns 8, en pleno entroido.
Galicia, Euskadi, Castela-León e Asturias compoñen o cartel dunha competición que servirá de preparación para o Campionato de España do próximo mes de marzo.
Á presentación do torneo acudiu como padriño de excepción Fernando Romay, ex xogador profesional, para quen "es una gozada ver como Galicia vive cada vez más el baloncesto", sinalou.
Este torneo de minibasket, explicou o presidente da Federación Galega Francisco Martín, "es un referente para la base".